媽呀！乜你個名咁寫嘅咩？
返工已經夠攰，放工仲要跟小朋友功課，有時改正仲有啲睇來睇去都唔明錯乜嘅中文生字，就直頭想大叫「媽呀！」
記得小時候老師教寫「媽媽」的「媽」字，明明從「女」字部，今天看孩子們的功課，竟發覺「女」字的寫法不同了，真係連阿媽都唔認得。
「女」字的一橫，原本應該左右都穿出來，而家大部份學生都被要求寫成咁樣。
如果係有原因需要堅持「正」字，例如寫得唔正確就會引起混淆，咁當然要撥亂反正，但堅持之前，係咪都應該要知道點解要堅持？
等我哋嚟睇吓「媽」字的起源︰
篆書
篆書將女性婀娜多姿嘅體態表露無遺，右上角果個尖尖似唔似揸住手機selfie緊？
隸書
來到隸書，橫筆左右穿出的寫法更顯然而見。
楷書
點解到咗楷書，尤其是印刷字，就變成無咗一隻手？
由左右兩邊部件組成的中文字，書寫時經常需要將靠近中間的筆劃略為縮短或收細、放輕，否則一係就寫到中間太逼、一係發現中間唔夠位就向兩邊發展，字型就會流於鬆散。
有啲書法家，寫得誇張少少，形成個人風格，就將突出來果個尖尖都收埋，後來印刷字又照跟，結果阿媽就少咗隻手。